Home
Programma
04
Feb
Receptie Jeugdvorst
07
Feb
Gezetteverkoup
11
Feb
Fruitschäölkes
12
Feb
Receptie en Frühsjoppe

Meziek oet ós Kwiebusriek

Klik hie óm op YouTube te kieke

Download hie de bingokaart en print dees oet!

Op zunjig 7 fibberwarie van 11:11 toet ein oor of 17:00 prizzenteertj ein gezelsjap van rasechte Naerse Vastelaovesveerders in samewèrking mèt VV de Kwiebusse "Meziek oet ós Kwiebusriek". Dit is ein live oetzenjig vól mèt Naerse meziek, aangevuldj mèt intervjoes en sjoeën beeldjmateriaal.

De oetzending wäördj oetgezonje via YouTube, en is rechtstreeks op dees pagina te vinje. Gae hoofdj dus neet op YouTube te gaon zeuke.

Op dees pagina lègke wae uch oet wie det gae dit op eure tillevisie kèntj bekieke.

De stream startj 7 fibberwarie óm 09:30 oor, zoeëdet gae tied zat höbtj óm alles klaor te zètte en eure tillevisie oppe juuste meneer in te stèlle. Via óngerstaondje tips gaeve wae uch mieër oetlègk wiedet gae kèntj kieke. Wae wille uch vraoge óm dit väöraaf al te probere mèt ein willekeurig YouTube filmpke. Mocht gae d'r neet oetkome, den höbtj gae nog tied om de kinjer, kleinkinjer, buurman, stalknecht of ein paersnaef te vraoge óm hulp.

1. Oppe computer kieke
Start baovestaondj filmpke en maak dit groeët door rechtsónger op ’t betreffendje icoontje te klikke, of duuj op ‘f’ op dien toetsebord.

2. Oppe tillevisie kieke via eine HDMI-kabel
Höbse geine smart-tv, mer waal eine laptop en eine HDMI kabel? Verbinj den diene laptop via eine HDMI kabel mèt diene tillevisie. Zorg det diene laptop op ‘Dupliceren’ steit bie de beeldsjerminstellinge, en selecteer oppe tillvisie de juuste HDMI-ingank. Asse dien laptopsjerm oppe tillevisie zuus, geisse nao dees pagina. Start baovestaondj filmpke en maak dit groeët door rechtsónger op ’t betreffendje icoontje te klikke, of duuj op ‘f’ op dien toetsebord.

3. Op eine smart-tv mèt de YouTube app kieke
Aopen de YouTube app oppe tillevisie en zeuk nao ‘Meziek oet ós Kwiebusriek’. Doe kèns ouch nao dees webpagina gaon mèt eine browser op diene smart-tv en vanaaf dees plaats de livestream bekieke.

4. Via Airplay (Apple TV)
Zorg det diene Apple iPhone of iPad mèt ‘tzelfdje WiFi-netwerk as diene Apple TV of smart-tv mèt AirPlay 2-mäögelijkheid. Start baovestaondj filmpke op diene iPhone of iPad en klik op ’t Airplay icoontje en selecteerse ’t juuste apparaat.

5. Via Chromecast
Zorg det diene chromecast mèt de tillevisie is verbonje, en zorg det dien apparaat woeëmèt se wils streame mèt ‘tzelfdje WiFi-netwerk is verbonje. Start baovestaondj filmpke en klik op ’t Cast-icoontje. Selecteer vervolgens dien Chromecast apparaat.